قصة تجربه الدكتور 118














قصة تجربه الدكتور 118



قصة تجربه الدكتور 118




تبدء االقصة لما وصلتنى رساله على البريد بتاعى من عالم كيميائى وطبعا مش هقدراقول على اسمه احتراما لروحه اللى فارقت الحياه...................
مكتوب فى الرساله..........



انا عالم كيميائى مهوس بعالم الرعب وارسلتلك  الرساله عشان عارف ومتاكد انك مهوس اكتر منى بعالم الرعب انا متابعك من فتره طويله المهم  الموضوع  انا قدرت اوصل لتركيبه بقدر بسببها اتحكم فى اجزاء من خلايا المخ .. 
انا عارف انك ممكن تكون مش فاهم كلامى لكن هتكلم معاك بالغه انت اكيد تفهمها التركيبه دى هتقدر تخلينا نعيش مع عالم اخر لمده ساعتين مع الحفاظ على الذاكره خلال الفتره 

 يعنى بكل بساطه هتعيش تجربه مرعبه  وتقدر تكتب كل تفصيلها بعد لما تخلص 
وبكده  انا خلصت كل كلامى ومستنى ردك.................


مضمون الرساله دى مريب جدا ده حد واثق انى فضولى هيغلبنى وهوافق انى اقوم بالتجربه لاكن كان لزم اخد وقت فى التفكير وبعد يومين تقريبا قررت انى ارد على الرساله.........


راسلته.....
مرحبا يا دكتور ..........................
وفضلت مركز مع الرساله لحد لما ظهر ان الدكتور فاتح الرساله وبدء يكتب الرد..........
مرحبا اهلا يا شريف يارب تكون جاهز بالرد ومقتنع بيه......
اسف يا دكتور انا مش هقدر اوافق على التجربه الا بشرط...
ممكن اعرف ايه هو الشرط يا شريف........
يا دكتور شرطى الوحيد انانا نتقابل الاول واتكلم معاك.......
تمام يا شريف انا موافق تقدر تقابلنى اى يوم تريد بعد الساعه 6 فى المعمل الخاص وهبعتلك العنوان هستناك اى وقت ما انت تريد تيجى سلام............
برغم انى مهوس بالرعب وبالتجارب المرعبه لاكن مش عارف فى احساس وصلنى انى بعمل حاجه غلط .... 

لاكن فضولى اللى هيودينى فى داهيه قدر يخلينى اروح المعمل عند الدكتور..................




انا كنت اضن ان الدكتور هيطلع مثل بتوع الافلام انه كبير فى السن والمعمل بتاعه على طول بيولع وكده لاكن اللى شفته كان مفجاه بنسبه ليا...
 انا شوفت شاب عمره مايتعداش 35 سنه معمل صغير فى شقته وبصراحه استقبلنى احسن استقبال.............
 وبعد الترحيب بدء يشرح التجربه.....
تجربه بتاعتنا يا شريف عباره عن برشامه بتاخدها بتدخل عالم الرعب وبتطلع منه وانت فاكر كل التفاصيل ...........
كنت مستغرب الموضوع وكان لزم استوضح منه اكتر يعنى يا دكتور البرشامه دى زى الفيل الازرق كده ...........

اسمع يا شريف البرشامه دى مش بدخلك عالم افتراضي لا البرشامه دى بتفرز مده للمخ بتقدر تعيش داخل العالم الاخر والبرشامه دى بعد 117 تجربه فاشله عشان كده اسميتها التجربه 118 وقمت بتجربتها على حيونات معظمهم مات بس التجربه المره دى نجحت على الكلب بتاعى وممكن اوريك الفيديو اللى سجلته لتجربت الكلب على مدار 24ساعه .................





قتلو ممكن اشاهد الفيديو ده يا دكتور.........
الدكتور شغل الفيديو على جهاز الاب توب..........
بدئت اركز فى ملامح الكلب وهو داخل غرفه مقفوله .............
وبعد مشاهدتي نص ساعه تقريبا من ثبات الكلب بدء يقف وياخد وضع استعداد للهجوم وصوته شرس  وبعد اقل من دقيقه الكلب بدء يرجع للخلف وصوته فيه اختلاف كان باين عليه الرعب وملامح الكلاب بقيت اكثر خوف الكلب قاعد بجانب الحائط وهو بيترقب اشياء حوله لاكن احنا مش عارفين ايه دى وبعد تقريبا ساعتين الكلب افاق والدكتور ظهر فى الفيديو الكلب جرى عليه كأنه لقى الامان بس الحاجه الغريبه ان الكلب رجع وقاعد بجانب نفس الحيطه لمدة 6 ساعات وبعدها رجع لوضعه الطبيعي....................




 بعد لما شوفت الفيديو اترعدت بجد اكيد الكلب ده شاف حاجه تخوف بجد بعدها بقيت ساكت..........
الدكتور بدء يتكلم ويقولى لو انت وافقت انا هكتبلك اقرار عن اى اعراض جانبيا هتحصلك هبقى انا المسؤل بس الحاجه الوحيده اللى انت هتبقى مسؤل عنها انى مش عاوزك تخاف مهما حصل مفيش حاجه هتحصلك وهقولك حاجه كمان اقدرت اني اطور التجربه 118 وخليها اتنين يشتركو بنفس التجربه هنبقى احنا الاتنين مع بعض والساعتين التجربة دول هيتصوروا في الفيديو............
هوسى بالرعب خلنى اوافق فورا بلا تردد انفذ التجربه مع الدكتور.................................




وبعد مرور 3 ايام كنا جاهزين للتجربه دخلنا المعمل وكان الدكتور مجهز كرسين بمقابض حديد للايدي والأرجل عشان مهما حيحصل مانتحركش من مكانا 
كل واحد قاعد على كرسى وخدنا البرشامه اللى  بيبتدى مفعولها يعمل بعد نص ساعه وبعد لما ايدينا ورجلينا بقيت فى المقابض الحديد ..........
قاعد مسني عمل التجربه 118 وانا متحمس وخايف فى نفس الوقت وبعد نص ساعه بدئت الدنيا تسود امام عينى وبعدها ما فيش ثوانى بدئت الدنيا تنور من تانى لاكن انا فى مكان مرعب وكان الدكتور واقف امامي والخوف كان باين فى عيني انا ما كنتش خايف من اللى هشوفه انا كنت خايف اننا منقدرش نرجع تانى للحياه.............


وبدئت اتمشى انا والدكتور بخطوات بطيئه جدا  المكان كان كفيل ان قلبى يضعف وبدئت اشعر بالخوف وفجاه وقفت انا والدكتور عشان كنا شايفين مجموعه من الاقزام ملامحهم قبيحه جدا وبياكلو من معدة حيوان ميت المشهد ده ما كنش مرعب على قد ما كان مقرف لدرجت ان الدكتور ما قدرش يمسك نفسه وفضل يرجع ولفت انتباه الاقزام لينا وبدئو يجروا اتجهنا وما كنش قدمنا حل غير ان نطلع نجرى وبعد جرى كتير لقينا مكان شبه الكهف فى عالمنا لاكن كان مرعب دخلنا نستخبى فيه من شر الاقزام.....
 الدكتور بصلى وقلي متخافش مهما حصل... 
ولسه مكملش الكلامه سمعت صوت غريب داخل الكهف وهنا بدئت لحظات الرعب الحقيقية كان فى مخلوقات شكلها غريب داخل الكهف وجينا نخرج عشان نهرب انا والدكتور كانت نفس المخلوقات مستنينا برى الكهف وستطاعوا انهم يمسكونا وضربونا حتى اغميا علينا وفقدنا الوعى...........




انا استيقضت لاكن مش عارف كم مر من وقت انا فوقت لقيت نفسى مربوط على تربيزه والدكتور مربوط على تربيزه ايضا لاكن اللى مرعب بجد هو باقى التربيزات اللى المخلوقات الغريبه دى بتاكل احشاء البنادمين والحيونات ايضا.......
وبدئت التربيزات تقل والدور قرب يبقى علينا انا فى اسوء لحظات الرعب اللى شوفتها فى حياتى انا شايف مخلوقات بتاكل احشاء البنادمين وجاي الدورعليا وكنت بموت مع مرور الوقت انا بقيت مرعوب من مشهد الدم اللى مغرق المكان ومن المخلوقات اللى شكلها مخيف اما بالنسبة للدكتور لسته فاقد الوعى.............



ومع كل دقيقة اللى بقرب فيها من الموت بابشع الطرق وكل دقيقه فيهم بتمنى ان التجربه 118 تنتهى وارجع للحياه عشان اراجع كل حسابتى من اول وجديد...........
الوقت مرسريعا وفات والدورايجا على تربيزة الدكتور وانا هبقى اللى بعده........................
مشهد دمعت فيه عني من شدة الرعب مخلوق غريب فى ايده الة حده وبيفتح بطن الدكتور وهوا لسه عايش..........
وبدئو الوحوش يلتهموفي احشاء الدكتور وهو عايش وبيستغيث لاكن بعد ثوانى الدكتور فارق الحياه وبقيت شايف موقف مرعب جدا وبعد دقايق قليله وكانت هتبقى الاخيره فى حياتى لولا ستر ربنا المخلوقات دى بدئت تقرب على التربيزه اللى انا مربوط فيها ونفس المخلوق المخيف اللى فتح بطن الدكتور جه وقف امامي وفى يده الة الحاده نضرت فى عينه وكنت كثيرمرعوب وكانت دى اخر مشهد فى التجربه118 عشان بعدها كان مفعول البرشامه خلص...........
اول مشهد شوفته لما رجعت للحياه شوفت الدكتور امامي فاقد الوعى وبينزف دم..........




فكيت ايدى ورجلى بسرعه وقومت من على الكرسى لاكن سقطت على الارض كانت رجلى مش شيلنى بدئت ازحف واقرب من الدكتور واحاول اصحيه من الغيبوبة وفكيت ايده ورجله.......
الدكتورصحي وبدء يتكلم وهو تعبان اول حاجه قالها اتصل بالمستشفى وبعدها خد شريط الفيديو ده والعلبه اللى هناك دى فيها 8 برشامة خدها وخد الفيل اللى فيه سر التركيبه عشان لو انا مت يبقى انت صاحب القرار لو عاوز تكمل وتصنع لحظات الرعب للاخرين او انك تتخلص من سر التجربه 118 ..............
اسرعت واتصلت بالمستشفى ولميت كل الأغراض ونزلت وقفت تحت البيت اللى فيه المعمل لحد ما سيارة الاسعاف حضرت واخدت الدكتور ...........
انا اخدت كل حاجه تخص التجربه 118 ودهبت الى البيت ودسيت سر التجربه ونزلت عشان اروح المستشفى اطمن على صحة الدكتور لما وصلت المستشفى اخبروني ان الدكتورفارق  الحياة اثر ساكته قلبيه لما وصل المستشفى.................
بعد ما اطمنت ان اهل الدكتور هما اللى واقفين فى المستشفى دورى انتهى ورجعت على البيت.........
انا لستني مرعوب موجود لاكن كان لزم اتفرج واشوف حصل ايه في الفيديو.......




لما شاهدة الفيديو والرعب اللى كان بيترسم على ملامحنا انا والدكتور الله يرحمه وصوت صرخنا ورعشت اجسمنا اتخدت قرار ان احرق اسرار التجربه 118 وكمان هحرق شريط الفيديو عشان مش عاوز اشوف نفسى تانى وانا فى تلك الحاله لاكن قررت احتفظ بعلبة البرشام عشان يممكن فى يوم من الايام اعيد التجربة و اصنع لنفسى لحظات من الرعب................







إرسال تعليق

0 تعليقات