غابة هويا باكيو المسكونة






"غابة هويا باكيو المسكونة"



غابة هويا موجودة في مقاطعة كلوج في رومانيا في البداية الغابة كانت آمنة مفيش حاجة بتحصل فيها حتى سنة 1960.





حصل فيها ظواهر غريبة جدا وغامضة لدرجة ان الناس اللي عاشوا حوالين الغابة... اضطروا انهم يهاجروا بعيد.


من أغرب الظواهر اللي حصلت في الغابة ان اللي بيدخلها بتزداد ضربات قلبه وبيحس برعب يتسلل إلى عقله.... دا اللي قاله السكان الأصليون الموجودين بالقرب من الغابة.
بمجرد دخول الغابة بتسمع صوت صراخ إمرأة من مكان ما في الغابة وكمان بتسمع صوت عياط أطفال وصوات أمرأة بتضحك إلخ....

كمان هتحس ان في حد بيمشي وراك وعاوز يقتلك.... هتسمع بردو صوت أشخاص تتطلب المساعدة بس مهما دورت عليهم مش هتوصل لمصدر الصوت.

كتير من الناس بيدخلوا الغابة ومش بيخرجوا بس بتلاقي جثثهم فيما بعد موجودة جوا الغابة بس الغريب ان الجثث بتبقي من غير علامات تدل انهم اتقتلوا او اتعرضوا لهجوم حتى.

حتى ساعات اللي بيدخل وبيخرج مش بيخرج سليم... ساعات بيبقا ع جسمه طفح جلدي، حروق، فقدان كُلي او مؤقت للذاكرة.

من أشهر حوادث الاختفاء في الغابة.

طفلة عندها 5 سنين دخلت الغابة واختفت بشكل غريب... أهلها بحثوا عنها كتير جداََ في كل مكان لكن من غير أي فايدة واعلنوا ام الطفلة متوفية بس المفاجأة.

بعد 5 سنين ظهرت الطفلة من العدم لكن مش فاكرة هي كانت مختفية فين طول الوقت دا.




من الحوادث الغريبة بردو ف الغابة.. كان في فتاة و خطيبها بيتمشوا قريب من الغابة بس الفتاة سابت حبيبها فجأة ودخلت الغابة.. خطيبها حاول يتتبعها ودور عليها كتير بس بردو من غير فايدة بلغ الشرطة... الشرطة بعتت فرق إنقاذ للبحث عنها لكن مفيش اي أثر.












السكان الأصليين بعد فترة شافوا شبح الفتاة ف الغابة كانت لابسة فستان ابيض وبتنده على خطيبها بس من الغريب جداََ ان الشبح بتاع الفتاة بيظهر للسيدات بس!




من الغموض بردو ف غابة هويا... في منطقة تُعرف بمنطقة الدائرة الغامضة في وسط الغابة مش بينبت فيها نبات واللي ببقرب منها بيشوف عادةََ اطباق طائرة واضواء غريبة وحاجات مخيفة..

إرسال تعليق

0 تعليقات