قصه لعبه الساحر





قصه لعبه الساحر

قصه لعبه الساحر



في بلد عاديه جدا وسكانها اشخاص مسالمين كان فيها 3 اصحاب اسمهم(امجد_اكرم_فارس) الثلاث نفس السن تقريبا مع فرق شهور.
-امجد بيحب الكورة القدم  ودايما بيحب يتابع المباريات المهمه وبيلعب دايما في الشارع عندهم مع صحابو اللي في المنطقه او في نادي بالحجز وكمان مفيش ماتش صحابو بيلعبوه غير لما يتصلو بيه عشان ميخسروش.
-اكرم بيحب القراءه جدا وبيقرا قصص وروايات مختلفه رومانسي على فكري على علم نفس بس اللي مهتم بيها شويه هيا قصص الرعب والاثاره وبيتفرج على افلام وقصص رعب كتير وكمان بيفرج فارس وامجد دايما على كل فيلم اوقصه رعب جديده بيجيبها.





-فارس  ممكن تقولو عليه هاكر (محترف نت) اوغريب الاطوار اللي فيهم وكل حياتو على برامج الهاكرز ومواقع الديب ويب اللي مش اي حد يقدر يدخلها بسهوله ولا يعرف يدخل يتجسس عليهم بسهوله واللي بتلاقي فيها اخطر المجرمين والمشعوذين واخطر الفيديوهات ل آكلي لحوم البشر وفديوهات ل أبشع طرق التعذيب يعني م الاخر حاجه زي مستنقع جرائم مختلفه وحاجه اخطر من انك تتخيلها ومجرد الدخول عالموقع  ممكن يسببلك كوارث حقيقيه ومش بعيد تروح امن الدوله.

دايما ال3 بيتجمعو مع بعض كل يوم يا اما في ماتش كوره مع امجد او بيتفرجو على فيلم او قصه رعب من بتوع اكرم يا اما مع فارس في البيت بيلعبو بلايستيشن او بيتفرجو على الفيديوهات الغريبه اللي بيجبهالهم فارس من على الموقع اللي حكتلكم عنو





المهم في مره وهما قاعدين مع فارس في البيت فتحو الابتوب وحبو يشوفو ويتفرجو في الديب ويب عن اي حاجه مثيره او غريبه او مشمئزه من اللي فارس بيحكيلهم عليها وبيوريهالهم ويفضلو يدورو وراها وهم بيدورو عالموقع اتلاقو لعبه مكتوب عليها ان اغلب اللي بيعملو خطوات اللعبه دي بعضهم بيجيلهم صرع والبعض الاخر بينتحر وفي مش بيحصل ليهم حاجه واللعبه بتعدي على خير وبيكملو اللعبه عادي ودار الحوار بين الأصدقاء الثلاث...
-امجد: هههههه اي ياجدعان انتو بتفكرو تجربوها ولا اي لا ياعم انت وهو لو عايزين تجربو جربوها انتو انا مش ناقص رعب كفايه القصص والافلام اللي اكرم روشنا بيها دي ولا المقالب بتاعتك ياعم فارس لا ياعم جربوها مع نفسكم...
-فارس: مالك يابني دي حتة لعبه يعني مش مستهله الخوف ولا القلق ده كلو متبقاش جبان بقا وتعال نجرب ياعم وممكن ميحصلش حاجه يعني...
-اكرم: اي ياجدعان مالكم انتو خايفين بجد ولا اي ياعم دي تلاقيها خرافات ومفيش حاجه من الكلام ده اصلا لعبة اي اللي بتخليك تتصرع ولا تنتحر انتو بتسدقو الكلام الفارغ ده?




-امجد: يابني مش انت بتقرأ كتير عن الحاجات دي وقولتلي ان فعلا في حاجات من دي بتحصل بجد! وانت يافارس يعني مش عارف خطورة الموقع اللي انت فيه ده ولا اي?
-فارس: عارف ياعم بس مفيهاش حاجه يعني لما نجرب!
امجد موافقش واكرم قال خلاص ياعم فارس سيبك منو ده جبان بلاش نقرآها عشان ميزعلش فارس قالو طب خلاص هنشوف حتى الخطوات بس ومش هنعملها واتفقو انهم يقرأو الكلام من غير م ينفذو الخطوات ولاقو ان اول واهم حاجه لازم يعملوها قبل اي حاجه انهم يقولو الجمله دي(سانرو كيد سلڤا شلي ناو) عشان ميتاذوش او يحصلهم حاجه وبطبيعة ان هم بيقرأو الخطوات قرأوها بالغلط زي م انتو اتخدعتو وقريتوها بالغلط كده ومكانوش يعرفو ان دي هتبقا اسود ليله في حياتهم ولاقو ان الخطوات الباقيه فيها فعلا حاجات زي تحضير الجن والكلام ده مرضوش يعملوها وطلع ان السر كلو في الجمله دي(سانرو كيد سلڤا شلي ناو) وغلطت حياتهم انهم قرأوها واللعبه اتقلبت عليهم وكل حاجه بانت بعد منتصف الليل اللي هو بعد الساعه 12بالظبط في الوقت ده كان امجد واكرم سابو فارس وروحو والبدايه كانت عند فارس ويمكن تبدأ عندكم...





والبدايه كانت عند فارس وهو قاعد عالكومبيوتر بتاعو ومصمم يبحث عن خطورة الخطوات دي لو عملها هيحصل اي وفجأه وهو بيبحث الشاشه اسودت وظهرت الجمله دي باللون الاحمر وزي م يكون الحروف بتنزف دم... فارس اترعب ونط من قدام الكومبيوتر وجري شال الفيشه بتاعت المشترك ولسا برضو الكلمه مكتوبه ومنوره عالشاشه جري يفتح باب الاوضه عشان يطلع بس مفيش فايده والباب مش عايز يفتح وفجأه سمع صوت ضحكه مرعبه جدا جدا جدا والدولاب والشبابيك بيخبطو في بعض جامد وكل حاجه في الاوضه بتقع وبتخبط في بعض وحجات تترفع وحاجات تترمي واصوات كتير في الاوضه عماله تكرر في الجمله ومهما يكتم في ودانو برضو الاصوات المزعجه مش عايزه تفارقو وعمال يخبط ويكسر في الاوضه هو كمان من كتر الصداع والاصوات المخيفه والمزعجه اللي عماله تعلى اكتر واكتر وتخليه يعمل تصرفات لا اراديه لحد م رزع دماغو على ازاز التسريحه ووقع عالارض وسط الازاز فاقد الوعي راح باب الاوضه مفتوح ودخل منو والدتو اللي اتخضت واترعبت من منظر ابنها والاوضه المتكسره دي ودخلت بسرعه تصحي ابوه اللي قام مفزوع من النوم وجري عشان يشوف ابنو مرمي عالارض وسايح في دمو شالو بسرعه واخدو عالمستشفى واخدوه خيطولو الجرح اللي في دماغو وطهرولو الجروح الخفيفه اللي في ايدو بسب ازاز التسريحه اللي وقع عليه في الارض والدكتور قالهم انو لازم يتحجز كام يوم في المستشفى عشان يتابعو معاه ولما والدو سالو عن حالتو قالو انو جالو حاله عصبيه نتيجة ان في حاجه كبيره دايقتو او زعلتو او عصبتو جامد بس متقلقوش ان شاء الله هيفوق وهيبقا بخير وفضلو قاعدين معاه في المستشفى واتفاجئو ب والدت اكرم صاحبو موجوده في نفس المستشفى ولما سالوها اي اللي جايبها المستشفى قالتلهم ان اكرم ابنها وقع من البلكونه بتاعت بيتهم ودخلوه العنايه المركزه وحالتو صعبه جدآ...





تاني يوم فارس فاق واتلاقا نفسو نايم على سرير المستشفى ووالدتو نايمه عالسرير اللي جامبو فضل يفكر اي اللي حصل واي اللي جابني هنا وافتكر اللي حصل امبارح وفجأه اتلاقى دم بيتكتب بيه على الستاره اللي قدامو الجمله اللي كانت السبب في كل ده راح مصرررخ وامو صحيت من النوم وجريت عليه اخدتو في حضنها وقالتلو مالك يابني فيك اي قالها الدم ياماما عالستاره اللي وراكي بصت الام ملقيتش حاجه قالتلو مفيش دم ولا حاجه يابني!! قالها ازاي ياماما انا شايفو بعيني وبيبص ملقاش دم والكلمه اختفت من على الستاره...مرضاش يحكي ل امه عن حاجه بس طلب منها تجيبلو الموبايل بتاعو عشان يفتح النت عليه...امو طلعت الموبايل واديتهولو وفضلت قاعده جمبو عالسرير لحد م راحت في النوم فارس بقا فضل يبحث عن "الجمله" دي وملقاش اي نتيجه راح كاتب اسم اللعبه نفسها اللي مينفعش اكتبلكم اسمها وعمل بحث وهنا اكتشف مفاجأه وكارثه كبيره مكنوش يتوقعوها ومخطرتش على بال حد فيهم...






وهو بيبحث عن اللعبه لقى مكتوب ان اللي عمل اللعبه دي كان من أخطر السحره والمشعوذين اللي في العالم وكانت من اخطر هواياتو قتل وتعذيب البشر بأقذر وأصعب الطرق الممكنه ودي كانت أكتر حاجه بيعملها في حياتو وبيحب دايما يستمتع بتأديت التعذيب على ضحاياه بأبشع الطرق وهو اللي اخترع اللعبه دي قبل م يموت عشان لما اي حد يلعبها يبقا بيحضر روح الساحر من غير م ياخد بالو من الكارثه اللي بيعملها لما يلعب اللعبه الشيطانيه دي وانو كده بيأذي نفسو وشبه بينتحر حرفيآ والساحر من قوة مراوغتو وخداعو وذكاءو الجبار كاتب جمله قبل الخطوات وبيطلب منهم يقرأو الجمله دي قبل الخطوات عشان ميحصلهمش حاجه ومش كاتبين الجمله في الموقع ده عشان مش بتتكتب في مواقع عاديه زي مقولتلكم بس احنا عارفين ان هي دي (سانرو كيد سلڤا شلي ناو) وان الجمله دي لواحدها من غير الخطوات كافيه انها تحضرو وانو من قوة خداعو انو كاتب باقي الخطوات تمويه بس عشان يجبرهم يقرأو الجمله دي ويحضرو روحو بكل سهوله وهم غافلين وانو لما بيظهر مبيرحمش حد وكل ضحاياه مقتولين بطرق ابشع مما تتخيلو ومكتوب تحذير كبيييير جدا ان محدش يحاول يدور على الجمله دي ولا يفكر يقرأها من شدة خطورتها وان كل ضحاياه ماتو ولكن مش موت عادي نهائي!!





فارس كان تفكيرو كولو مشوش جدا ومش عارف يفكر ولا عارف اي اللي هو عملو ده وازاي عمل حاجه زي كده وازاي اصلا حتة لعبه هتعمل فيم الحاجات دي كلها وكل ده مش حاسس ان والدتو نامت ودماغها على بطنو فقام وساب والدتو تنام براحتها على سريرو وقام هو يدخل الحمام وطلع من الاوضه ودخل حمام المستشفى وخلص وقال يتمشى شويه في المستشفى ولا بره المستشفى عشان يهون على الرعب والخوف المسيطر عليه ونزل للامن مرديش يطلعوه بره المستشفى وقالولو اتفضل اطلع فوق واحنا هنبعتلك حد من التمريض بعد ازنك قالهم لا خلاص انا هتمشى في المستشفى شويه وطلع المستشفى وفضل يلف في كل حته لحد م سمع ضحكة بنت صغيره تفرح القلب فالتفتلها فارس وشاف بنت عسوله وزي القمر واقفه قدامو وبتضحك ضحكه جميله جدا خليتو ينسى حكاية اللعبه اصلا واللعنه والساحر من حلاوة ضحكتها اللي دخلت البهجه من تاني في قلب فارس اللي كان مرعوب وتعيس البنت ضحكتلو وراحت مشورالو ب ايديها يعني تعال ورايا وصباعها على بقا يعني بتقولو تعال بشوييش وبتضحك فارس مشي وراها وهو بيضحك وحب انو يلعب معاها شويه لحد م دخلت اوضه كبيره فارس بيقرب عشان يدخل الاوضه دي سمع صوت ضحك وهزار وكلام ودوشه زي ميكون ناس كتير جوه قام فاتح الباب وبعد م كان في دوشه والكل منسجم واللي بيهزر واللي بيضحك كلهم سكتو مره واحده في نفس الوقت وبصو على فارس بطريقه مش مفهومه وفضلو باصين من غير حركه ولا اي رد فعل تاني وفجأه سمع صوت زي خشخشه في ودنو جامد فضل يبص حواليه مفيش حاجه مفيش غير الناس اللي وقفت اصنام اول م دخل عليهم وحب يقرب من حد منهم ويشوف سكتو لي وراح يمسك واحد من دراعو عشان يسالو حس بدراعو سقعان جدا ولقاه بيصرررررخ بصوت مش صوت بني ادمين خالص وانو زي ميكون الماسكه دي وجعتو اوي ولقا ان جسم الراجل بيسييح وبيتبخر في ايدو راح سايبو بسرعه شاف الراجل بيتحول لبخار واختفى ولقا كل اللي في الاوضه بيتكلمو في نفس الوقت بكلام كتير وكل واحد بيقول حاجه تاتيه عن التاني وده بيعمل دوشه رهيبه زي اللي سمعها في البيت ولقاهم بيقربو منو ومبرقين فارس اتفزع من المنظر وطلع يجري لحد م وقع وهو بيجري وشاف الكل محاوطو وهو واقع في الارض ومفاقش غير على السرير بتاعو وامو نايمه في نفس السرير!!! فاق وعمال يبص حاوليه من كتر الرعب اللي شافو بس مرضيش يصحي والدتو عشان متقلقش وحاول يقنع نفسو انو حلم مش اكتر وحس بوجع في دراعو بص على دراعو اللي بينزف راح جايب قطن من جمبو ومناديل ومسح الدم بس مفيش جرح او تعويره في جسمو فارس عقلو بقا هيطير منو ومكانش مصدق اللي بيحصل ده كولو وانو كده حضر روح ساحر ومش اي ساحر لا ده من اخطر السحره في العالم اللي كل متعتهم في تعذيب الناس وقتلهم ببساطه بسبب اللعبه الملعونه دي وطبعا جاتلو لحظة ندم وخوف كبيره وعينيه دمعت وفضل يعيط جامد ونفسو يصرخ وكان خايف من اللي هيحصل اكتر من خوفو من اللي حصل...







وفارس كل ده فاكر ان امجد واكرم محصلهمش حاجه وهو بس اللي هيحصلو كده عشان هو صاحب الفكره وميعرفش ان اكرم معاه في نفس المستشفى وانو حاول ينتحر بسبب اللي حصلو...
وهو قاعد في البيت ومعاه كتاب بيقرأ فيه عادي جدا وطافي النور وقاعد منسجم عالسرير ريئو نشف وعطش قام يجيب مياه من التلاجه ساب الكتاب عالسرير ودخل المطبخ يشرب مياه ودخل الحمام لقي ان مكتوب على باب الحمام من جوه وهو جاي يخرج الجمله دي (سانرو كيد سلڤا شلي ناو) استغرب منها وافتكر ان الجمله دي هي اللي كانت في خطوات اللعبه اللي فارس ورهالهم وقال في نفسو طب اي اللي جاب الكلمه دي هنا!! وبيبص عالجمله لقاها بتنزف دم عالباب وبتنزل حشرات ودود من جوه الباب فتح الباب وجري بعد م شويه من الحشرات مسكو في ايدو وبقا بينفضهم وبيمسح ايدو في اي حاجه تقابله من شده قرفو وكرهو للحشرات وجري عالاوضه بتاعتو وهو مش عارف اي اللي وداه الاوضه اصلا ولا عارف يتصرف ازاي واي الديدان اللي طلعت م الباب دي وجري يصحي والدو عشان يوريلو الحمام وطلع شاف ان الحمام نضيف جداا ومفيهوش اي حاجه غريبه!! اكرم بقا هيتجنن ويبص في كل حته يمكن يلاقي الحشرات اللي مسحها من على ايدو ومش لاقي اي حاجه خالص "ابوه" بصلو وقالو: بطل بقا يابني فرجتك على القصص والافلام اللي هبلتك دي وسيبني انام بقا !





اكرم دخل على اوضتو بعد م بص عالباب والحمام كذا مره وهو مش مصدق اللي بيحصل وبيبص عالسرير ملقاش الكتاب!
اكرم: الله!! هو في اي بقا انا مش كنت سايب الكتاب هنا وفضل يدور عليه في كل حته في الاوضه وفتح الدولاب عشان يبص عالكتب لقاه معاهم سكت شويه عشان يفتكر يمكن يكون نسي وحطو في الدولاب ولا حاجه وهو مش فاكر ابدا غير انو كان سايبو عالسرير المهم حاول يقنع نفسو انو سابو في الدولاب واخد الكتاب وراح عالسرير وبيقرأ ظهر فجأه صوت ضحكه مخيفه معاه في الاوضه اكرم فضل يبص حواليه ملقاش حاجه وده خلاه يقلق اكتر ومبقاش على بعضو قعد شويه مرووش وعمال يبص حواليه وبعد شويه حاول انو ميحطش دماغة عشان ميخفش او ميتهبلش وقعد تاني عالسرير عشان يشغل نفسو بقراءت القصه وميحطش في دماغو واول مفتح الكتاب هبت نار طالعه من نص الكتاب في الصفحتين اللي قدامو راح رامي الكتاب عالارض ولسا بيحاول يطفيه ب اي حاجه اترفع الكتاب مره واحده وطار في الجو وصفحاته بقت بتتقلب بسرعه جدا وبتطلع هوا جامد طالع مع الورق المحروق بريح شديده جدا على اكرم واصوات مرعبه كتيييير عماله تقول كلام مش مفهوم ومن شده الرياح اللي مليانه بالورق الممزوج بالنار والاصوات المخيفه دي اكرم فضل يرجع لورا لحد منط من البلكونه عشان يهرب منهم بعد م اتحرق من الورق في حتت مختلفه في جسمه واتحول بسرعه على المستسفى في قسم العنايه المركزه وحالتو خطر جدا ومرشح انو يموت في اي لحظه !
وده ميجيش اي حاجه جمب اللي حصل
الجزء الخامس: #لعبة_الساحر






امجد بقا بعد م نزل من عند فارس صحابو اتصلو عليه وقالولو انهم هيلعبو ماتش كمان شويه وعايزينو معاهم امجد وافق وطلع جهز الشنطه اللي فيها اللبس ونزل عشان يروح الماتش ووصل النادي ودخل غير هدومو ونزل الملعب وكان بيلعب باحتراف وبعد م لعب شويه صحابو فرحو بيه جدا عشان جابلهم جولين في وقت قصير المهم وهو بيلعب وبيجري بالكوره خبط في جسم شخص عادي بس ازاي... ده مفيش حد قدامو اصلا صحابو وقفو لعب وامجد فضل يحرك ايدو في الجو يمكن يلمس الجسم ده تاني مفيش حاجه بتلمس ايدو المهم صحابو قالولو يلا ياعم بقا مفيش حاجه والعب بقا بدل م الماتش يبوظ امجد سمع كلامهم وكمل لعب ومحطش في دماغو وكل حاجه تمام وخلص الماتش اللي فريق امجد هو اللي كسب فيه وكل واحد مشي من طريق وامجد اخد شنطته وقال هيتمشى عالبحر شويه بدل الحر والعرق اللي نزل منو ده بسبب الماتش اللي كانو بيلعبوه المهم راح عالبحر واتمشى شويه لحد م جسمو هدي وقرر يروح ينام بقا وهو ماشي في الطريق سمع حد بينده عليه بص وراه شاف فارس !!
امجد: فارس! اي يابني اللي مسهرك لحد دلوقتي?
فارس سابو ومشي كانو مش سامع حاجه!
امجد رايح فين يابني الساعه 2 الله يخربيتك انت كنت فين اصلا? وفارس مبيردش ومكمل طريقو امجد مشي وراه لحد م دخلو ممر ديق طويل وعمال بينده عليه وفارس مش بيستمع ل امجد ومكمل طريقو امجد: يابني انت رد عليه رايح فين انت عبيط وسرع خطوتو عشان يلحقو راح فارس جاري منو وامجد جاري وراه لحد م وصلو لاخر الممر اللي كان مسدود وفارس وقف وهو مدي ضهرو لأمجد
امجد: خلاص بقا ياعم متهزرش بدل م امشي واسيبك والله.
فارس ضحك ضحكه غريبه شويه عن ضحكتو من غير ميبصلو
امجد انتبهلو كده بخوف شويه وقالو يا فارس مبحبش مقالبك الفكسانه دي وانا تعبان ومش قادر اهزر ف بالله عليك متهزر ويلا نمشي عشان الوقت متاخر ولسا هيحط ايدو على كتف فارس سمع صوت زي صوت تعبان او افعى جاي من وراه كأنو واقف على كتفو امجد ثبت مكانه م الخوف وبيلف وشو ببطء شديد وبحذر ولحظة نظرتو للافعى الضخمه اللي كانت واقفه وراه بالظبط هيا نفس اللحظه اللي هجمت عليه فيها بصوتها وجسمها اللي لف على رقبتو وكتفو وكل حته في جسمو وهو بيحاول ينطق ويستنجد ب فارس لحد م فارس لف وطلع مش فارس اصلا !! لا ده طلع واحد تاني خالص وشو بيتكون من لحم ودم بس من غير جلد يعني شكل وشو شبه اللحمه الغرقانه دم ومشوه مالوش ملامح ومد ايدو اللي فيها ضوافر شيطانيه طويله وحاده زي السكين بالظبط وغرزها في بطنه بسحبه لفوق وشقها نصين وطلع احشاءو كلها من جوه ورماها عالارض للتعابين والديدان الصغيره تنهشها ومش بس اكتفى بكده لا ده كمان فصل رقبتو عن جسمو وسابها على اول الممر وكتب عالحيطه اللي فوقيها (سانرو كيد سيلڤا شلي ناو) وساب دماغو تحتيها بدون عيون...
فارس بقا حاول يدور كتير على حل يعكس بيه لعنة الساحر دي ومفيش حاجه تأذيه بس كل محاولاتو كانت فاشله وفيش حاجه تقدر تقف قصاد التعويذه اللي اتقالت وفي لحظة بحثو في التليفون عن اي معلومه مفيده سمع صوت اكرم بينده عليه وواقف قدام باب اوضة المستشفى اللي فارس فيها ولما فارس بصلو سابو ومشي فارس قام من عالسرير وطلع من الاوضه يبص على اكرم لقاه طالع عالسلم فارس طلع وراه لحد م وصلو لغرفة العنايه المركزه واكرم دخل فيها وفارس وراه ولما فارس دخل شاف اكرم نايم في سريرو ومتعلقلو محاليل ورايح في غيبوبه فارس استغرب انو ازاي رايح في غيبوبه وهو لسا شايفو ماشي قدامو وفكر ينزل لغرفة الامن عشان يشوف كاميرات المستشفى ولما الامن فتحلو الكاميرا شاف حاجه غريبه جدا شاف انو كان ماشي لواحدو ومكانش اكرم ماشي قدامو ولا حاجه فارس فهم ان الحكايه كبيره وده مش اكرم وان اللي حصل ده بسبب اللعبه وان اللي كان ماشي قدامو ده الساحر وكان بيوريلو ان صاحبو موجود معاه في نفس المستشفى وهنا بدات الحكايه تسوء اكتر واكتر...الجزء السادس والسابع:







فارس من كتر احساس الخوف اللي حاسو والخوف اللي شافو بقا شبه معدش بيخاف وراح للاوضه ورامي كل همو وراه وهو مستني دورو وحاطط في دماغو انو خلاص هيموت بس جتلو فكره يمكن تكون هيا دي الامل الوحيد اللي باقيلو الامل انو يجيب ساحر زيو او مشعوذ او دجال وهو اللي يتصرف معاه وبحكم خبرتو في عالم الانترنت والمواقع الخطيره اللي قلتلكم عليها دخل يدور على مشعوذ من على نفس الموقع بتاع اللعبه وشاف كتير منهم لحد م اختار واحد من كبار المشعوذين واتواصل معاه وراحلو بعد م المشعوذ دوخو عشان يجيبو المكان بتاعه عشان يتاكد انو محتاج مساعده حقيقي مش حد عايز يوقعو او يخدعو ولما فارس وصل بعد عناء كبير ودار الحوار بينهم...
المشعوذ: عايزني ف اي?

فارس: لعبة

المشعوذ: لعبة اي !

فارس: لعبه ملعونه هتوديني انا واصحابي ورا الشمس.

المشعوذ: واسمها اي اللعبه دي?

فارس: Ashlone (اشلوون)

المشعوذ: بتقول مين!!

فارس: بقولك Ashlone (اشلوون)

المشعوذ: انت جيبت الاسم ده منين?

فارس: ده الاسم اللي كان مكتوب على اللعبه!

المشعوذ بصدمه وخوف شديد: مقدرش اساعدك شوف حد غيري واتفضل قوم امشي من هنا ولو اي حد في الدنيا عرف انك جيتلي هنا هقتلك ولو مش مسدق ابقا جرب...

فارس وهو بيبكي بحرقه: استنى بس قولي مش هتقدر تساعدني لي انا تحت امرك في اي حاجه تطلبها مهما كانت بس ارجوك ساعدني انا صاحبي بين الحياه والموت في المستشفى وصاحبي التاني معرفش عنو اي حاجه...

المشعوذ: يابني افهم!!!!! انت عارف انت بتتكلم عن مين ده Ashlone (اشلوون) كبير السحره والمشعوذين لما كان عايش وميت من اكتر من 350 سنه وبيظهر بالتعويذه اللي انت قراتها بس عشان يقضي على الضحيه ويختفي تاني يعني مستحيل واحد زيي يقدر عليه!! بس عشان المصيبه الكبيره اللي انت فيها دي واللي انت مش متخيل حجمها انا هساعدك من بعيد...

فارس: يعني اي تساعدني من بعيد!

المشعوذ: يعني هوديك للشخص الوحيد اللي ممكن يساعدك وده هتسافرله سفر طويل ولو قالك انو ميقدرش يساعدك اعرف ان دي نهايتك انت واصحابك ومحدش هيقدر يساعدك ابدا....
.
فارس عرف العنوان وراحلو بعد رحلة سفر اخدت 48 ساعه كاملين عشان يوصلو ولما وصل قالو انو جايلو من طرف فلان (المشعوذ)
الساحر: وعايز اي?

فارس: انا محتاجلك في مشكله فلان قالي ان مفيش غيرك يقدر يحلهالي.

الساحر: مشكلة اي?

فارس: انا واصحابي لعبنا لعبة من عالنت ومكناش نعرف ان اللعبه دي ملعونه او شيطانيه وحصلنا حاجات غريبه جدا وصاحبي مرمي بين الحياه والموت في المستشفى والتاني معرفش عنو حاجه من ساعة م مشي من عندي يوميها !

الساحر: عباره عن اي اللعبة دي?!

فارس بخوف وقلق: انا هقولك اسمها يمكن تعرفها... اللعبة اسمها Ashlone (اشلوون) .

الساحر سمع الاسم وظهر على وشو علامات الغضب وقالو Ashlone !! انا مسمعتش عنو من 20 سنه تقريبا ده انا بدور عليه من زماااان...
فارس قالو وهو الخوف بينهش في عقلو وجسمو وحضرتك بتدور عليه لي!
الساحر: عشان انتقم منو بالللي عملو بسبب لعبتو الملعونه ده انا بحلم باليوم اللي اخد فيه حقي اللي اتحرمت منو بسبب الساحر الملعون ده...
فارس اطمن شويه وحكالو على كل حاجه الساحر قالو انت لازم تعمل كل اللي هقولك عليه بالحرف الواحد.
فارس قالو موافق بس تخلصني من المصيبه اللي دخلت حياتي دي وسمع كلام الساحر اللي طلب منو انو يجيب التعويذه اللي قراها مع صحابو ويستنى الساعه 1 بالليل ويقولها عشان يظهر (اشلوون) ويعرف الساحر يتخلص منو بس فارس طلب منو ان الموضوع يتنفذ في كهف بعيد عن الناس!
والساحر فعلا اخدو وراحو الكهف واستنو للساعه 1 وبدأ فارس يقول التعويذه...







-الجزء السابع: #لعبة_الساحر_Game_Wizard
.
وبدأ فارس يقول التعويذه في الكهف على الطقوس اللي الساحر عملهالو وفي ظرف دقيقتين اترزع فارس مره واحد بقوه جباره في الحيطه واترمى عالارض وظهر (اشلوون)...
ولسا بيقرب من فارس طلع الساحر من مخبأو ونده على (اشلوون) وهو بيقرأ من كتاب تعاويذ و(اشلوون) صرخ جامد وطلع اعلى صوت مرعب ممكن تسمعو في حياتك وبص وراه شاف الساحر بيقرأ التعويذه وبيبصلو بغضب وصوتو عالي جدا ومرعب جدا وصوت ال2 بيكسر في حيطان الكهف وفارس فاقد الوعي وفجأه الساحر سكت و(اشلوون) فضل سابت مكانو مش قادر يتحرك وهو بيبص للساحر بزهول وغضب شديييد جدا ويقولو انت مين بصوتو المرعب ويرد عليه الساحر وصوتو متغير تماما وبقا مرعب جدا هو كمان وقالو انا اللي حرمتني من ابني وحرقت قلبي عليه ابني اللي قتلت صاحبو قدامو وخليت ابني ينتحر من الدور العاشر (اشلوون) رد وقالو انا هنسفك انت متعرفش انا ممكن اعمل فيك اي انا هخليك تتمنا الموت وتترجاني عشان اقتلك وارحمك من العذاب اللي هتشوفو على ايدي ورد الساحر بضحكه بشعه جدا وقالو لا انا عارف انت ممكن تعمل اي كويس بس انت اللي مش عارف انا مين وممكن اعمل فيك اي وبدور عليك من امتى هنا فارس بدأ يفوق ويشوف ال2 وهم بيتحدو بعض والساحر راح مطلع من شنطتو ادوات غريبه زي م تكون طقوس لتعويذه معينه هينفذها على (اشلوون) واول م اشلون شاف الحاجات دي فهم حاجه فارس مفهمهاش ويمكن فهم انو فعلا الساحر يقدر ياذي (اشلوون) بجد و(اشلوون) رد بسرعه وبصوت مكتوم كانو بيقول بنفس مكسوره وغصب عنه وقالو انا اقدر ارجعلك ابنك!
الساحر بصلو ب استهزاء وقالو انا كنت بسمع عنك اساطير واكتشفت انك فاشل وحتى مش عارف تخدعني بطريقه احسن من كده...
(اشلوون) قالو بقولك هرجعلك ابنك على جسم البني ادم اللي انت جايبو معاك بس بشرط انك تفك التعويذه اللي انت رابطني بيها دي عشان اقدر ارجعهولك...هنا فارس عمل نفسو فاقد الوعي بجد عشان يعرف هيعملو اي?
الساحر قالو وهترجعلي ابني ازاي انت فاكرني هتخدع بالسهوله دي (اشلوون) رد دي مش خدعه لو مش مصدق بص هناك كده لف الساحر وبص لقا ابنو قاعد عالارض وبيبص لابوه وبيقولو الحقني يابابا ولما الساحر جري عليه لقاه فارس مش ابنو فرجع بغيظ وغضب جواه ولسا هينفذ الطقوس اشلوون قالو لاااااااا بقولك بصوت عالي
.
فارس قام وعمل حاجه مكنش حد يتوقعها فارس وقف وطلع ورقه من جيبو وقرأها ب اعلى صوت عندو وب احترافيه والكهف عمال بيترج زي م يكون هيتهد عليهم من الكلام اللي بيقولو وفجأه (اشلوون) صرخ صرخه وصلت للناس اللي في القرى المجاوره بالرغم من انها بعيده جدا عن الكهف و(اشلوون) بدأ منظرو يتغير ووشو زي ميكون بيسيح ويتبخر وصراخو مستمر كأنو بيتعذب عذاب جهنمي لحد م اتبخر لاخر حته في جسمو وراح منسوف بالكهف كله والكهف اتهد وانفجر بكل اللي فيه.





اها صح نسيت اقولكم... (Flash back) يعني رجوع بالزمن للوراء
لما فارس كان بيكلم المشعوذ الاولاني اللي راحلو يستنجد بيه ودار الحوار بينهم ده اللي حصل بالكامل...
.
المشعوذ: عايزني ف اي?

فارس: لعبة

المشعوذ: لعبة اي !

فارس: لعبه ملعونه هتوديني انا واصحابي ورا الشمس.

المشعوذ: واسمها اي اللعبه دي?

فارس: Ashlone (اشلوون)

المشعوذ: بتقول مين!!

فارس: بقولك Ashlone (اشلوون)

المشعوذ: انت جيبت الاسم ده منين?

فارس: ده الاسم اللي كان مكتوب على اللعبه!

المشعوذ بصدمه وخوف شديد: مقدرش اساعدك شوف حد غيري واتفضل قوم امشي من هنا ولو اي حد في الدنيا عرف انك جيتلي هنا هقتلك ولو مش مسدق ابقا جرب...

فارس وهو بيبكي بحرقه: استنى بس قولي مش هتقدر تساعدني لي انا تحت امرك في اي حاجه تطلبها مهما كانت بس ارجوك ساعدني انا صاحبي بين الحياه والموت في المستشفى وبيتصلو بيا ليقولو انو هرب وصاحبي التاني معرفش عنو اي حاجه والله اعلم اذا كان ميت ولا عايش...

المشعوذ: يابني افهم!!!!! انت عارف انت بتتكلم عن مين ده Ashlone (اشلوون) كبير السحره والمشعوذين لما كان عايش وميت من اكتر من 350 سنه وروحو بتظهر بالتعويذه اللي انت قراتها عشان يقضي على الضحيه ويختفي تاني يعني مستحيل واحد زيي يقدر عليه!! بس عشان المصيبه الكبيره اللي انت فيها دي واللي انت مش متخيل حجمها انا هساعدك من بعيد...

فارس: يعني اي تساعدني من بعيد!!

المشعوذ: يعني هوديك للشخص الوحيد اللي ممكن يساعدك وده هتسافرله سفر طويل ولو قالك انو ميقدرش يساعدك اعرف ان دي نهايتك انت واصحابك ومحدش هيقدر يساعدك ابدا....
.
بس هديلك تعويذه تقولها لو حسيت ان دي نهايتك بجد قولها عشان دي خطر جدا يعني هتنسف كل اللي موجودين في المكان يعني متقولهاش الا لو حسيت انك هتموت خلاص...

فارس: لا لا انا مبعرفش اقول تعاويذ وبعدين يعني اي بتنسف كل اللي في المكان?!

المشعوذ: اسمع مني بس انت لو دي نهايتك بجد ف انت كده كده ميت ولما تقول التعويذه دي روح (اشلوون) هتتحرق وهتختفي للابد بس المشكله في التعويذه دي ان اللي هيقولها هيموت هو كمان عشان المكان اللي انتو هتكونو فيه وهتقول التعويذه فيه هيتنسف بكل اللي موجودين فيه ومش هيلاقولك جسه يدفنوها بس تبقا عملت حاجه صح قبل م تموت وتريح الناس منه للابد وتنقذ حياة ناس تانيين زيك كانو ممكن يتعذبو ويموتو على ايدو بسبب انهم غلطو نفس غلطتك...

فارس: طيب ولو قراتها في سري هيحصل حاجه?

المشعوذ: لا مش هيحصل لانك لازم تقولها بصوت عالي وكمان لازم تكون في روح موجوده في المكان اللي انت بتقول فيه التعويذه يعني احفظها ومتقلقش...
فارس اخدها وفضل يحفظ فيها وراح للساحر وحصل اللي حصل ده كله وفي النهايه فارس هو اللي خدع (اشلوون) والساحر اللي كان هيضحي بيه عشان يحضر روح ابنه على جسمو وفارس خدع ال2 وحرق (اشلوون) ونسف بيهم الكهف وزي م كانت البدايه عند فارس كانت النهايه برضو عند فارس.









إرسال تعليق

0 تعليقات